5 نصايح لارتداء الحزام العريض😍 وتنسيقه حسب شكل جسمك😉👌

9 Views

-انا عارفة ان معظم البنات والسيدات بتخاف تلبسه لكن بما انه اقوى ترند في اكسسوارات 2020🛍👇

هقولك على خمس نصايح مهمة تسهل عليكي عملية تنسيقه

📌الحزام الجلدى العريض بينحت منطقة الوسط وبيظهره أصغر لأنه أشبه بالكورسيه وبيضيف لإطلالتك جرأة وثقة فى النفس ولو مش جريئة كفاية انك تلبسيه بشكل واضح نسقيه مع بلوزة انيقة والبسي فوقيه فيست او كارديجان او جاكت حسب الاطلالة والخروجة 😎😉


📌مناسب جداا للأجسام بشكل التفاحة الapple shape لأن مشكلة ال apple shape إن منطقة الوسط مش متحددة وفيه امتلاء فى المنطقة بين الوسط والارداف ف الحزام العريض هيحددلهم الوسط ويديهم شكل ارفع فى المنطقة دى👍

📌خلى بالك كويس  لازم تختارى عرض الحزام حسب طول الجذع عندك – والجذع هى المنطقة مابين تحت الصدر والارداف ” كل ما تكون المنطقة دى طويلة تقدرى تلبسي حزام ب عرض أكبر


📌للمتلئات تجنبي تمام ارتداؤه وخصوصا بالوان فاقعة او منقوشة لأنه هيلفت الانتباه للامتلاء عن منطقة البطن وهيزيد من عرض الجسم ولو هتلبسيه يبقي بنفس لون القطعة الملبسية 😉👌

📌لوانتى قصيرة نسقيه مع فستان يكون من نفس درجة اللون علشان مايظهركيش اقصر واقل حجما وراعى مدى عرض الحزام

📌أما بقي لو انتى رفيعة وطويلة أو شكل جسمك hourglass فانتى تقدرى تنسقيه بسهولة وكمان ممكن تختاريه مصنوع من القماش وبيتربط فيونكة من الامام 🤩

🎨-أتمنى انى اكون قدرت افيدكم🙏🤗 وهستنى تعليقاتكم واسئلتكم فى الكومنتات

أحبت الكتابة والموضة منذ الصغر فهي أحد الطرق التي تجعلها تعبر عما تشعر به، وبمجرد أن انتهت من دراستها عملت في مجال الصحافة والكتابة عن كل ما يخص المرأة. تهتم بمتابعة عروض الأزياء العالمية أثناء الاستماع إلى الموسيقى الفرنسية القديمة التي تجعلها مصدر وحي للكتابة في عالم الموضة.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Back To Top